القصه وما فيها

(كل واحد ياخد باله من القصه دي كويس )

كان ياماكان ياسعد ( اه ياعم سعد انت ياحلو) المهم يا اكرام كان في فأر بيتجسس علي صاحب المزرعه وزوجته قوم ايه وهما يفتحان صندوقا انيقا (انيق جدا جدا بس فيه ايه!) الي ان رأهما يخرجان مصيده للفئران من الصندوق( ان ان تش) وبعدين ايه راح الفار اندفع ذي المجنون (مجمج يعني) في جميع انحاء المزرعه وهو يصيح

ايها الحيوانات ياحيوانااااااات يا حيوناااااااات اي والله حيوانات

نحن في خطر لقد جاؤا بمصيده للفئرااااان يا حيواااانات ياولاد ال.......

هنا صاحت الدجاجه ونهرته قائله

اسمع يافرفور يحليوه انت المصيده دي مشكلتك انت متصدعناش بقي بعويلك وصراخك

توجه الفار الي الخروف صائحا

الحذر الحذر ففي البيت توجد مصيده

فابتسم ابتسامه بلهاء كده الخروف وقال

ياجبان يارعديد لماذا تمارس السرقه والتخريب طالما انك تخشي العواقب يا اهطل !

وبعدين انت المقصود بالمصيده فمتوجعش دمغنا بئي بصراخك وانصحك بالكف

عن سرقه الطعام وقرض الاحبال والاخشاب يا منيل

هنا لم يجد الفأر غير الاستنجاد بالبقره ملقاش ادامه غير البقره الضاحكه

التي قالت له مستهزئه

شكرا للتنبيه.. سأطلب اللجوء السياسي الي حديقه الحيوان ياعنيه

عندئذ ادرك الفأر انه ليست هناك جدوي وقرر ان يتدبر امر نفسه مهي خربت بئي

واصل التجسس علي المزارع حتي عرف مكان المصيده ونام بعدها قرير العين وفي بطنه بطيخه صيفي

وميت فل واربعتاشر بعد ان قرر الابتعاد عن مكمن الخطر هيه انا كده في السليم

وفجأه شق سكون الليل المصيده وهي تنطبق علي فريسه,وهرع وخد ديله في سنانه وازح الي حيث المصيده

ليري ثعبان يتلوي بعد ان امسكت المصيده بذيله

ثم جاءت زوجه المزارع

وبسبب الظلام حسبت ان الفأر هو الضحيه بالمصيده فعضها الثعبان( أي)

فذهب بها زوجها علي الفور الي المشفشفيه حيث تلقت اسعفات اوليه

وعادت الي البيت( سالمه غانمه) لاء دي وهي تعاني من ارتفاع في درجه الحراره

وطبعا الشخص المسموم يحتاج الي سوائل (زي ما كلنا عارفين بس انا مكنتش اعرف) ويستحسن ان يتناول شوربه

وهكذا قام المزارع بذح الدجاجه( طبعا يدبح ابوها مش مراته بئي ما علينا)

وصنع منها حساء لزوجته المحمومه( المنصابه يعني)

وتدفق الاهل والخلان والحبايب لتفقد احوالها فكان لابد من ايه بئي من دبح الخروف عشان يكفي الناس دي كليته

مهي ميغه بقي وياكلو ويشربوا وكده

ولكن ياعيني الزوجه المسكينه اللي كان غولب الدنيا فيها ماتت الله يرحمها بعد ايه صراع مع السموم دام ايام وايام وجاء المعزون بالمئات وطبعا اضطر المزارع الله يستره ويكرمه قام ايه دبح بقرته لتوفير الطعام مهي الناس جاي من سفر

وعلي لحم بطنها بقي متصحصحوا معايا مش محتجين دول غذي ولامش محتجين

طبعا الوحيد يا جماعه اللي فضل علي قيد الحياه هو الفار الذي كان مستهدف بالمصيده

وكان الوحيد الذي استشعر بالخطر

لقد فكر الفأر في امر من يحسبون انهم بعيدون عن المصيده فلم يستشعروا الخطر بل استخفوا بمخاوف

الفأر الذي يعرف بالغريزه والتجربه ان ضحايا المصيده قد يكونوا اكثر

مما يتصور البعض .

*******

فعلا والله قد يتصور البعض ان الخطر بعيد ولكن قد تكون ضحايا المصيده اكثر مما نتصور

والخطر قريب جدا ولكن البعض منهم قد يغفل قد يتناسي وقد يدعي العمي

قد وقد وقد كتير اوي

وفي الاخر, وقد كان!

والعبره لمن يعتبر

************************************************************

**************************************************

http://enahaelhaya.blogspot.com/ دي طبعا مدونه (مها زين )ولازم تدخلوها فيها2 مقاله لازم ننشرها مهمه جدا وفيها كل حاجه عن المقاطعه بردو ربنا يكرمك يامها ويجزيكي خير يارب

http://www.inminds.com/boycott-israel.html وده بردو موقع اجنبي رائع عند مها بردو شفوه هيفدنا اوي

http://www.islamway.com/mohammad/ar/?page=dkproducts وهنا قائمه لبعض المنتجات اللي متتسماش اللي نقاطعها ان شاء الله

http://www.g2g2.com/?p ودي مهمه غزه تحترق

http://www.nowingaza.blogspot.com/برجاء مطالعه ايضا مدونه (محمد حمدي )الجديده

******************************************************

**********************************************************************

هتفرق معانا بجد دي اقل حاجه الواحد يعملها لربنا سبحانه وتعالي اولا ثم لاخوتنا واهلنا في فلسطين

مين عارف الدور علي مين! اكيد عارفين حط نفسك مكانهم دلوقت

ربنا يحفظنا بس محدش عارف بكره في ايه

ولا ايييييييييه؟

**