اهو كلام

هل تسألت ايهما يؤلم اكثر؟

ان تقول شيئا وتتمني ان لاتقوله,اولا تقول شيئ

وتتمني لو قلته!

الضرب علي الافا شفا

اولا اذيكم والله وحشتوني خالص كلكم كلكم اه والله ومعلش اني غبت الفتره اللي فاتت وبتأخر عن الرد ال يعني البت

مهمه يالله, ما علينا انا اللي خلاني اعمل البوست ده حجات كتير وعشان راجعه ظازه وعايزه ارغي كتشير كتشير وعشان اطمن البت

حبيبه انا كنت مختفيه ليه ماشي يا بيبه عملت عمايل يابت

وكل الي سالوا عليا كلهم حبيبي حبيبي يعني اه وربنا

انا ياجماعه كنت مسافره, ليه؟ وانتوا مالكوا! اهو رخامه وتغير كده (وش بيغمز)

. المهم

حضرنا للسفر انا والبت المخفيه اختي اللي مش بتسبني في ايوتها دهيه حتي في نومي يالله غلبانه

واحنا بقي مشيين بقي وبنركب مبسوطين بقي مهو انا بموت في حاجه بقي اسمها تنطيط بقي هنا وهناك وارجع ايام زمان

دعونا نفعل الذكريات, المهم جينا ركبنا وخلاص تمام

والراجل بقي هيشغلنا الفديون بقي وهنستجم العربيه كلها كانت كتير فيها بنانيت كليات اللي مسافره واللي مقيمه

وكده فكان اكترهم مزز يعني المهم انا واختي قعدنا بوزنا في بوز بعض وعمالين نتكلم ونشرب وناكل ونهزر المهم بقي

انا بستني لما العربيه تبدا في المشي وابص بقي من الشوباك واقعد افكر في زمان ودلوقت واللي حوصل امبارح

وانهارده ومن خمسين سنه(وش مطلع لسانه) واقعد بقي مع نفسي, المره دي مقعدش مع نفسي قعدت مع الللي قدمنا ليه ؟

اقولكوا ليه,

كان في بنتوته اموره كده هندسه, عرفت ازاي ؟هبقي اقلكوا, صغنونه قاعده ادمنا وجمبها نطع كده لابس بدله وشايل

شنطه وهجمه طول بعرض وشكله شكلا بس, وخدوا بالكوا انه شكلا بس, انه محترم. ونضاره وراجل بقي من اللي هما

يعني تقول عليه لسه مستحمي وبيلمع المهم متخديش في بالك يابت ياسمكه وخليكي في نفسك وغضي بصرك عيب عيب

يا موكوسه عااااااااتشي خالص

جينا بقي نمدد كده ولسه سمكه هتنام بقي وتستجم لقيت حركه مش اللي هيا وسمكه عندها قرون استشعار جدااا

لقيت الراجل مش مظبوط كده كل شويه يبص للبت اللي جمبه ومش سليم المهم البت بتبص من الشباك انا بقي فوقت

وفضلت متابعاه وببص لاختي لاقتها علي نفس الخط معايا ومققنا عنينا المهم انا دمي فار اصلي (انا دمي حر) اي وربنا

بتغاظ انا من الحجات دي ميغركوش يعني (وش مبتسم) المهم البنت بدات تضايق وياعيني مش قارده تتكلم حاسه انا بيها البنت

محترمه هتقول ايه المهم الرجال حمار حمار كل شويه تبعد وتلزق في الشباك والبعيد معندوش دم اختي لسه بتقولي انا

هستأذن حد واخليها تبدل قلتلها اثبتي, مش هينفع المفروض هي اللي تقول كمان ممكن هي تحرجك وتقولك لا شكرا او

يحصل اي احراج استني عليا بس كل ما الراجل يرخم علي البت اختي تفز والله اعصبنا تعبتنا ربنا يتعب اعصابه

وانا بجد اضايقت ومش عارفه اعمل حاجه فكانت معايا شنطه هاند باك كده بحط فيها متعلقاتي

الشخصيه الخفيفه في السفر ومن ضمنهم فرشه السنان(ايون دي اهم حاجه) المهم بقول لاختي اتفرجي علي سمكمك

هتعمل ايه بص شوف سمكه هتعمل ايه فشورتلها بايدي استني

المهم لقيناه بيبص للبت وبيضيقها كده وقوم ايه سمكه بعزم ما فيها دورت الشنطه الاسطوانيه وببوز الشنطه وركزت علي

افاه وهوب بيووو ترخ, الراجل بيبص وراه ورحت قايله سوري ( ووش بيستعبط)وودنه احمرت واختي مكنتش متوقعه فحطت اديها علي وشها

وماتت من الضحك واتلقح قعد, ابص بعد شويه الاقيه مفيش فايده ضايق البت روحت قلت لاختي بستهبل يعني بكلم اي كلام بدلي الشنط انا مضايقه اوووف

مش عارفه اقعد هاتي التليفون وهووووووب بيو دب في افاه تاني

ودنه احمرت وعنيه طقت شرار (وهذه يا اخونا عقاب رباني) هو يضايق البت تلاقي علي افاه رد الفعل وانا كنت منسجمه

تعرفوا الضرب علي الافا ده احساس مرييييييح خاصا لما تضرب حد علي افاه وكل شويه ومش قادر يتكلم المهم هو يبدا

يرخم واول ما يعمل اي حركه يلاقي اللي بيديلوا علي افاه ببوز الشنطه وشويه وكنت هغوزه في افاه بردو وضرب من اللي قلبك يحبو وقعدنا بقي

متربصين لبعض وانا اديله هوب ونموت من الضحك, وده ودنه تحمر ومش قارد يتكلم واصلا كنت محضره لو اتكلم هرد بكل

زوق واقوله ايه وكل ادب بردو وكل استهبال بردو(وش بيستعبط) انا كان نفسي اضربه بأيدي علي افاه واقول للسواق

وقف ياسطي واجري بس انا اتقرفت اصلا ايدي تلمس افاه شنطتي ربنا يخليهالي قامت بالواجب من اشخاص مرضي

زي دي تقرف منهم ولا ايه متنيل خاطب عامل ايه ده مع خظبته ؟وياتري عارفه انه هباب كده ومش راجل ولا محترم

يالهوي لما اتخيل واحد كده يع بجد!

المهم غار في دهيه ونزل والبت قعدت انا كلمت البنت وقلتلها انا ظبتلك اللي كان قاعد جمبك البنت بصتلي كده مسبهله

مش فاهمه مهو انا

لازم اعدد جميلي عليها امال( رخمه رخمه يعني) قلتلها حسيت انه كان مضيقك قالتلي اه والله فعلا ده حمار قلتلاها اختي

كانت عايزه تقلك, قالتلي يارتكوا قولتو ده انا كنت هموت قلتلها خفت والله, قالتلي ليه؟ ده احنا اخوات قلتلاها بس متقلقيش

ظبطتهولك وحكتلها ,ضحكت وقالتلي جدعه وقلتلها تاني مره انا عارفه احنا لا بنقدر نكلم ولا نعالي صوتنا ولا نشوشر

وبنكسف اقل حاجه تقومي علي طول مش مجبره انك تقعدي تلات اربع سعات مخنوقه ومش مستريحه انقلي وبكل زوق

وادب وبردو متتكلميش ,لان انا عن نفسي معرفش لا اعلي صوتي ولا ازعق وبتكسف وجبانه ولو حد قالي بخ اعيط

وقعدت تحكي معايا بقي وبقت مبسوطه جدا عشان بس حست ان حد معاها وانا بقول لاختي شوفي انا عامله فيها

معرفش ايه وعمالين نضحك اهو الدنيا بدأت تليل اهو وهنبقي زي الارانب كمان شويه ونخبط في سنانا وخلاص وصلنا

وروحنا نازلين ونزلت ووقفت مع البنت وقلتلها مش عايزه حاجه شويه جدعنه بقي كنت مستينه منها اي قرشين ولا حاجه(وش مبتسم) ونستني معاكي وبقت مبسوطه جدا وتقولي ربنا يخيكوا

بجد مش عارفه اقلكوا ايه والكلام ده وسلمت عليها وشديت البت اختي من افاها ومشينا وعماله اتكلم معاها وافتكرت

واحد خبطني بس كان متعمد قمت انا رجعه وعملت نفسي بجيب حاجه وروحت دوست علي رجله كان هيعيط وبغيظ فرمتها وقلتله سوري بجد

بقيت منشكحه واهو لا شتمت ولا عليت صوتي ولا اي حاجه خالص انا غلبانه وطيبه خالص ذي ما هو ضيقني من غير

قصد انا بردو من غير قصد خالث (وش مفترس) انا اصلا مش بستني ان حد يضيقني ولا لسه ها او انه يفكر بس

بقلوكوا عندي قرون استشعار من علي بعد خالوا بالكوا بقي مني, في بنات مودبه ومحترمه بس مبتخدش بالها ياعيني والله

او مش في دمغها لكن انا بعرف الشخص من اول ما بشوفه ان كان محترم ولا عايز الحرق فلو عايز الحرق فبحرقه قبل

حتي ما يفكر يضيقني والحمد الله, (ناس عايزه الحرق صحيح)

بس انا بصراحه مردتش اقول للبت تعالي
كمان كنت مستمتعه اوي( ههههه) اه وربنا اني كل شويه اضرب الراجل اللي بيلمع ده ولا علي افاه احساس جميل (ضحكات شريره متقطعه)

وودنه تحمر وانا ابتهج واضحك كانت لعبه مسليه بصراحه بس اصله تعب اعصبنا وانا كنت عايزه انام بس سلانا بردو

غير اللي كنت بعمله ورجعنا بقي في السوبر جيت ونمت برحتي وانا رجعه ومحصلش حاجه الحمد الله

ليه بجد في ناس كده بتبقي حاجه مقززه ايه شعورهم طب استفادوا ايه طب لو خطبتك ولا اختك ولا مامتك ولا مراتك

مش هتبقي عامل فيها راجل ودمك حامي ولا هي النوعيه دي عادي عندها تخولف ومختلفه عن البشر ؟بجد شئ مقزز

وحاجه تقرف!

وحيوانيه ايه يابني ادم ياابن ال..... ليه كده طيب انا لما بفكر في خطبته بتصعب عليا اقول ياتري هي عارفه اهو

شخصيته كده ياتري هو بيعمل معاها كده ولا عامل مودب فيها ومحترم والله بجد الواحد بيخاف

دي مصيبه والله ربنا يهديهم مبقاش في امان ولا ان حد يثق في حد ممكن حد يجي يتقدم لوحده يبقي بالنظر ده خصوصا

مش بيبانه جتهم الهم ربنا يرحمنا ويهدي الناس دي بجد بيقلل من قمته وبيبقي مش محبوب غير كده لو كان حصل حدثه

والعربيه اتقلبت بينا وكل واحد بيبعث علي اخر وضع كان فيه ويقابل ربنا, كان منظره هيبقي عامل ازي؟ مش ممكن كان

حصلت حدثه ومتنا وروحنا في خبر كان مش بتحصل !

مش بدل الواحد ما يبقي طالع مصلي ركعتين وقاري اذكار الصباح وقاري قرأن ودعاء السفر ويدعي ربنا يسترها معاه ويتقي الله

؟
سبحان الله

ياله بقي اروح انام لاني اكلمت ورغيت كتير وهتدعوا عليا(وش مكسوف)

هروح استريح بقي, بخيت الكلمتين اهو و هبطت انا بقي خلاويس